బృహన్ ముంబై మునిసిపల్ కార్పొరేషన్ ఆదేశాలతో కంట్రోల్ రూమ్స్ ఏర్పాటు.
అప్రమత్తమైన సివిల్ మరియు విద్యుత్ సంస్థలు

శనివారం ఉదయం ముంబైలో భారీ వర్షం కురిసింది. వర్షాలకు నగరంలోని రోడ్లపై , రైల్వే ట్రాక్‌ లపై నీరు నిలిచిపోయాయి. నగరంలో భారీ వర్షాలకు వాతావరణ కేంద్రం ఆదివారం “రెడ్ అలర్ట్” ప్రకటించింది.

మహారాష్ట్రలోని థానే, రత్నగిరి, రాయ్‌గడ్ జిల్లాల్లో కూడా ఆదివారం భారీ వర్షాలు కురిసే అవకాశం ఉందని వాతావరణ శాఖ తెలిపింది. వాతావరణ శాఖ హెచ్చరిక తరువాత, బృహన్ ముంబై మునిసిపల్ కార్పొరేషన్ పౌర నియంత్రణ గదులు మరియు విద్యుత్ సంస్థలను అధిక అప్రమత్తంగా ఉండాలని ఆదేశించినట్లు పిటిఐ నివేదించింది.

జాతీయ విపత్తు ప్రతిస్పందన దళం మరియు భారత నావికాదళం స్టాండ్‌బైగా ఉండాలని కోరారు.ముంబైలో శనివారం భారీగా వర్షం కురవడంతో.. రైల్వే ట్రాక్‌లపై నీరు నిండిన కారణంగా సెంట్రల్ రైల్వే దాదర్ మరియు కుర్లా మధ్య స్థానిక రైలు సేవలను నిలిపివేసినట్లు తెలిసింది.

అల్పపీడన ప్రభావంతో

ఇంతలో, బే అఫ్ బెంగాల్ లో ఏర్పడిన అల్పపీడనం వల్ల జూన్ 15 నాటికి నైరుతి రుతుపవనాలు ఢిల్లీ మరియు వాయువ్య భారతదేశంలోని కొన్ని ప్రాంతాలకు వచ్చే అవకాశం ఉందని వాతావరణ శాఖను ఉటంకిస్తూ హిందూస్తాన్ టైమ్స్ నివేదించింది.

ఈ అల్పపీడన ప్రాంతం రాబోయే మూడు, నాలుగు రోజుల్లో ఒడిశా, జార్ఖండ్, ఉత్తర ఛత్తీస్ ఘడ్ మీదుగా వాయువ్య దిశగా కదులుతుందని భారత వాతావరణ శాఖ శుక్రవారంమే తెలిపింది.భారతదేశం యొక్క పశ్చిమ తీరం వెంబడి బలమైన దక్షిణ-పశ్చిమ గాలులు వీస్తున్నాయని వాతావరణ శాఖ తెలిపింది.

జోరుగా వానలు అన్ని రాష్ట్రాలకు

“ఈ అనుకూలమైన వాతావరణ పరిస్థితులలో, నైరుతి రుతుపవనాలు వచ్చే ఐదు నుండి ఆరు రోజులలో దక్షిణ రాజస్థాన్ మరియు గుజరాత్లోని కచ్ ప్రాంతం వెలుపల దేశం మొత్తం మీదకు వచ్చే అవకాశం ఉంది” అని ఇది తెలిపింది.వచ్చే ఐదు నుంచి ఆరు రోజుల్లో ఒడిశా, ఛత్తీస్ ఘడ్ ,మధ్యప్రదేశ్, పశ్చిమ బెంగాల్, సిక్కిం, జార్ఖండ్, తెలంగాణలో భారీ వర్షాలు కురుస్తాయని భారత వాతావరణ శాఖ అంచనా వేసింది. ఉత్తరప్రదేశ్, ఉత్తరాఖండ్లలో కూడా వచ్చే నాలుగైదు రోజులలో వర్షాలు కురిసే అవకాశం ఉంది.