కరోనా లాక్ డౌన్ కారణంగా మూతపడిన సినిమా ఇండస్ట్రీ ఇప్పుడిప్పుడే కొద్దీ కొద్దిగా కోలుకుంటోంది. అప్పటికే బుల్లితెరకు సంభందించిన సీరియళ్ళు ప్రారంభమయ్యాయి. కొందరి అగ్రనాయకులు తమ జ్ఞాపకాలను, అనుభవాలను సోషల్ మీడియా ద్వారా పంచుకుంటుంటే, కొందరు యాడ్ ఫిలింస్ లో పాల్గొంటూ తమ అభిమానులను అలరిస్తున్నారు. ( బిగ్ బాస్ 4.. )

అందులో భాగంగా తాజాగా మెగాస్టార్ చిరంజీవి మరియు సూపర్ స్టార్ మహేష్ బాబుల ఫొటోలు నెట్టింట్లో హల్ చల్ చేస్తున్నాయి. లాక్ డౌన్ నుండి అన్ లాక్ అయిన తర్వాత ఒక యాడ్ ఫిలిమ్ షూటింగ్ లో పాల్గొన్న మహేష్ బాబు తన న్యూ లుక్ తో అదరగొట్టాడు.

ఇక మెగాస్టార్ చిరంజీవి తాజాగా సోషల్ మీడియాలో విడుదల చేసిన న్యూ లుక్ ఫోటో చూసి అభిమానులు ఆశ్చర్యానికి గురయ్యారు. తనయుడు రాంచరణ్ కూడా ” నాన్నా నేను చూస్తున్నది నిజమేనా ” అంటూ సంబరానికి గురయ్యారు. ఎప్పటికప్పుడు తన ఫోటోలను షేర్ చేస్తూ తన భిమానులను అలరిస్తున్నారు మెగాస్టార్. ఒకేసారి కళ్ళజోడు తో, మరోసారి మీసాలు లేకుండా ఇలా అభిమానులను ఎంటర్ టైన్ చేస్తున్నారు.

” ఆచార్య ” సినిమాతో బిజీగా వున్న చిరు, మరికొంత మంది యువ దర్శకులతో సినిమాలు చేయబోతున్నట్టు తెలుస్తోంది. అయితే ఈ లుక్ ఆచార్య సినిమాలోనిదే, బాస్ ఈస్ బ్యాక్ అంటూ తన అభిమానులు సోషల్ మీడియాలో కామెంట్ల రూపంలో తమ భావాలు తెలియజేస్తున్నారు.