పెరుగుతున్న డెంగ్యూ కేసులు.. ప్రత్యేక బృందాలను పంపిన కేంద్రం

డెంగ్యూ కేసులు పెరుగుతున్న నేపథ్యంలో తొమ్మిది రాష్ట్రాలు మరియు కేంద్రపాలిత ప్రాంతాలకు దేశ ఆరోగ్య మంత్రిత్వ శాఖ ఉన్నత స్థాయి బృందాలను తరలించింది. వెక్టర్ ద్వారా సంక్రమించే వ్యాధిని నియంత్రించడానికి మరియు పరిస్థితిని నిర్వహించడానికి అత్యవసర ప్రజారోగ్య చర్యలు తీసుకోవడంలో వారికి సహాయపడటానికి ఈ బృందాలను పంపినట్లు కేంద్ర ప్రభుత్వం ఒక ప్రకటనలో తెలిపింది.

RBI new rules | Bank Customers please alert

దేశ రాజధానిలో పెరుగుతున్న డెంగ్యూ కేసులు

అత్యున్నత స్థాయి కలిగిన ఈ బృందాలు హర్యానా, కేరళ, పంజాబ్, రాజస్థాన్, తమిళనాడు, ఉత్తరప్రదేశ్, ఉత్తరాఖండ్, న్యూఢిల్లీ, జమ్మూ కాశ్మీర్‌లకు చేరినట్లు తెలిపారు. నవంబర్ 1, 2021న ఢిల్లీలో డెంగ్యూ పరిస్థితిపై సమీక్షా సమావేశంలో కేంద్ర ఆరోగ్య మంత్రి డాక్టర్ మన్సుఖ్ మాండవియా ఆదేశాలకు అనుగుణంగా ఈ నిర్ణయం తీసుకున్నారని ఆరోగ్య మంత్రిత్వ శాఖ ప్రకటనలో తెలిపింది.

సమీక్షా సమావేశంలో, డెంగ్యూ ఇన్ఫెక్షన్లు పెరుగుతున్న రాష్ట్రాలు మరియు కేంద్ర పాలిత ప్రాంతాలకు అవసరమైన అన్ని సహాయ సహకారాలు అందించాలని మన్సుఖ్ మాండవియా ఆరోగ్య మంత్రిత్వ శాఖను ఆదేశించారు. ( దేశం మొత్తానికి గంజాయి సరఫరా )

ప్రభుత్వ గణాంకాల ప్రకారం దేశవ్యాప్తంగా వివిధ రాష్ట్రాలు, కేంద్రపాలిత ప్రాంతాల్లో మొత్తం 1,16,991 డెంగ్యూ కేసులు నమోదయ్యాయి. అంతకుముందు సంవత్సరం ఇదే నెలలో నమోదైన ఇన్ఫెక్షన్ల సంఖ్యతో పోలిస్తే.. ఈ అక్టోబరు నెలలో కొన్ని రాష్ట్రాల్లో డెంగ్యూ కేసులు గణనీయంగా ఎక్కువగా నమోదయ్యాయి. మొత్తం 15 రాష్ట్రాలు, కేంద్ర పాలిత ప్రాంతాల్లో ఈ ఏడాది అత్యధికంగా డెంగ్యూ కేసులు నమోదయ్యాయి. ( ఇరు పార్టీలు సంయమనం పాటించండి )

సెప్టెంబర్‌తో పోలిస్తే అక్టోబర్‌లో ఎక్కువ కేసులు నమోదవుతున్న పరిస్థితిని దృష్టిలో ఉంచుకునే తొమ్మిది రాష్ట్రాలు మరియు కేంద్రపాలిత ప్రాంతాలకు జాతీయ వెక్టర్-బోర్న్ డిసీజ్ కంట్రోల్ ప్రోగ్రామ్, నేషనల్ సెంటర్ ఫర్ డిసీజ్ కంట్రోల్ మరియు ప్రాంతీయ కార్యాలయాల నిపుణులతో కూడిన కేంద్ర బృందాలను పంపామని ఆరోగ్య మంత్రిత్వ శాఖ ప్రకటనలో తెలిపింది. పెరుగుతున్న సంక్షోభానికి సమర్థవంతమైన ప్రజారోగ్య ప్రతిస్పందనను ప్రారంభించడానికి ప్రభావిత రాష్ట్రాలకు సహాయం చేయడానికి మరియు మద్దతు ఇవ్వడానికి బృందాలు పని చేస్తాయని తెలిపారు.

Leave a Comment